Husnes - inkluderande, nyskapande og urban

Husnes Vekst er en frivilig organisasjon som ønskjer å ivareta Husnesområdet sine interesser og å vera pådrivar for ei positiv utvikling. Husnes Vekst arbeider for at Husnesområdet blir eit slagkraftig senter for industri, handel, service, reiseliv, skule, idrett og kultur. Organisasjonen driv aktiv arbeid for eit godt bu- og livsmiljø for innbyggarane i Husnesområdet.

Dette arbeider vi med:

Husnes Vekst ønskjer å vera pådrivar for å få nye bustadområde, friluftsområde, stader for leik, og område der næringslivet kan utvikla seg. Husnes Vekst ønskjer å vera ein aktiv medsperlar for kommunen når det gjeld utbyggingssaker , reguleringsplanar og kommunedelplanar.

Husnes Vekst er oppteken av å delta i trivselstiltak for folk som kjem på besøk og for dei som bur i området. Me kan nemna «Kom heim»-tilskipinga i romjula, Husnesdagane, Sommarrevyen, og Kvinnherad Kulturfestivel om vinteren som viktige og positive aktivitetar på Husnes. Me ønskjer vera med i arbeidet, saman med andre, om å utvikla nye trivselstiltak for Husnesingane

Husnes Vekst er dessutan engasjert i reiselivsarbeidet, og lagar til brosjyremateriell og anna for å profilere bygda i turistinformasjonar og i båthamner.

I tillegg ønskjer vi å få på plass dei servicetilboda som eit moderande samfunn skal ha.

Å få lagt offentlege kontor til Husnes har vore ei prioritert oppgåve. Husnes Vekst har difor arbeida spesielt mykje med å få lensmannskontoret ope kvar dag, NAV-kontoret lett tilgjengelig for folk flest og at Kulturskulen og dei andre skulane i område får moderne lokale som er tilpassa dagens behov.

Engasjer deg i bygda di!